Një aksident i rëndë ka ndodhur në Rusi, ku si pasojë humbën jetën tre persona. Një makinë e cila ra papritur nga një parking shumëkatësh, përmbante një biznesmen rus, zonjën e tij shtatzënë dhe djalin e saj të vogël. Sipas mediave të huaja, bëhet fjalë për një ngjarje ku një makinë BMW M4 Coupe ra nga kati i tretë i një parkingu në qytetin rus Krasnodar dhe u përplas përmes barrierës së një qendre tregtare.
Që atëherë është raportuar se Rafael Arakelyan, 37 vjeç, vdiq së bashku me Ekaterina Kornilova, 37 vjeçe dhe djalin e saj 10-vjeçar, Dima. Gjithashtu mjekët e ndihmës mjekësore shkuan në vendngjarje shpejt, por nuk mundën të shpëtonin Rafaelin, Ekaterinan, 37 vjeçe, apo djalin e saj. Ndërsa disa raporte sugjeruan se ka pasur një përleshje mes çiftit në qendrën tregtare Gallery pak para përplasjes.
Gjithashtu po hetohet nëse drejtuesi i mjetit ka humbur kontrollin apo ka pasur defekt teknik apo edhe sabotim të mjetit. Rafael e kishte blerë BMW-në rreth një muaj më parë, sipas të dhënave dhe një hetim i plotë është duke u zhvilluar për aksidentin. Rafaeli kishte kapërcyer varësinë nga droga dhe më vonë drejtoi një klinikë për njerëzit që vuanin nga alkoolizmi, si dhe varësia nga droga dhe lojërat.
