Një aeroplan është rrëzuar sot në Coffee County, Tennessee, rreth nëntëdhjeteshtatë kilometra në jug të Nashville.
Sipas Patrullës së Autostradave të Tennessee, gjashtëmbëdhjetë deri në njëzet persona ishin në bord dhe disa prej tyre janë transportuar me helikopter në spitale, ndërsa të tjerët po vlerësohen në vendngjarje. Askush nuk vdiq në rrëzim, por ka disa lëndime të lehta, sipas Lyle Russell, një zëdhënës i Qytetit të Tullahoma ku ndodhi rrëzimi.
“Rreth orës dymbëdhjetë e pesëmbëdhjetë sot, ndodhi një përplasje avioni në Aeroportin Rajonal Tullahoma,” tha Russell për CNN. Vendi i ngjarjes po sigurohet nga autoritetet lokale, ndërsa zyrtarët e Administratës së Aviacionit Federal (FAA) janë në rrugë për të vazhduar hetimin.
