residenti Hashim Thaçi nuk ndalet në idenë për krijimin e ushtrisë së Kosovës, qoftë edhe përmes ndryshimeve kushtetuese. Në një intervistë për Evropa e Lirë ai ka theksuar se ‘‘pajtohet me zyrtarët e lartë amerikanë për krijimin e Forcës së Armatosur të Kosovës përmes ndryshimeve kushtetuese’’.
Sipas tij, transformimi i FSK-së në Forcat e Armatosura “duhet të jetë një proces gjithëpërfshirës vendor dhe i partneritetit të gjithëmbarshëm ndërkombëtarë, në veçanti SHBA-së dhe NATO-s”.
Ai tha se do ta nisë dhe udhëheqë një proces të diskutimeve me përfaqësuesit politikë të serbëve të Kosovës “për të shteruar të gjitha mundësitë e koordinimit me ta për krijimin e Ushtrisë së Kosovës”.
Thaçi vuri në dukje se ‘‘asgjë nuk mund ta bllokojë themelimin e Forcave të Armatosura të Kosovës”. Ndërsa shtoi se “kjo është një e drejtë e patjetërsueshme e qytetarëve të Kosovës dhe e institucioneve të një vendi të pavarur dhe sovran”.
