Pavarësisht shqetësimeve për përshkallëzimin e konfliktit SHBA-Iran, çmimet e naftës kanë rënë ndjeshëm sot, duke reflektuar qëndrimin e kujdesshëm të tregjeve të energjisë përballë një skenari të mundshëm lufte në rajon, raporton CNN.
Pas një rritjeje të ndjeshme prej 6.2% dje, ku nafta amerikane (WTI) arriti përkohësisht në $78.40 për fuçi, sot çmimi ka rënë me rreth 1%, duke zbritur në $73.15 për fuçi. Edhe nafta Brent, standardi ndërkombëtar, pësoi një rënie të ngjashme prej rreth 1%, pas një rritjeje të përkohshme gjatë natës së dielës.
Presidenti amerikan Donald Trump reagoi në platformën Truth Social, duke i bërë thirrje tregjeve të mbajnë çmimet e naftës të ulëta.
Ky reagim vjen ndërsa Shtëpia e Bardhë është duke monitoruar nga afër situatën në tregjet globale të energjisë.
Një ndër shqetësimet kryesore të analistëve mbetet mundësia që Irani të hakmerret duke bllokuar ngushticën e Hormuzit, rrugë detare e rëndësishme për tregtinë globale të naftës, ku kalojnë mbi 20 milionë fuçi naftë çdo ditë.
