Muaji i kaluar ishte shkurti më i ngrohtë në botë sipas shërbimit të klimës të BE-së, duke e bërë atë muajin e nëntë me radhë me temperatura rekord për kohën e vitit. Sipërfaqja e detit në botë është më e nxehta e regjistruar ndonjëherë, ndërsa akulli i detit në Antarktidë ka arritur sërish në nivele ekstreme.
Temperaturat janë ende duke u rritur si pasojë e fenomenit El Niño në Paqësor, por ndryshimi i klimës i shkaktuar nga njeriu është deri tani nxitësi kryesor i ngrohtësisë.
“Gazet serrë që bllokojnë nxehtësinë janë pa mëdyshje fajtori kryesor”, thekson Prof Celeste Saulo, Sekretar i Përgjithshëm i Organizatës Botërore Meteorologjike.
Përqendrimet e dioksidit të karbonit janë në nivelin e tyre më të lartë për të paktën dy milionë vjet, sipas organit klimatik të OKB-së, dhe janë rritur me nivele gati rekord përsëri gjatë vitit të kaluar.
Gazet serrë kontribuan që shkurti i vitit 2024 të bëhej rreth 1.77 gradë Celsius më i ngrohtë se koha “para-industriale”, përpara se njerëzit të fillonin të digjnin sasi të mëdha lëndësh djegëse fosile, sipas Shërbimit të Ndryshimeve Klimatike të BE-së Copernicus.
Shifra e regjistruar thyen rekordin e mëparshëm, nga viti 2016, me rreth 0.12C.
Për shkak të temperaturave të larta një nxehtësi veçanërisht të madhe që goditi Australinë perëndimore, Azinë juglindore, Afrikën jugore dhe Amerikën e Jugut.
Mesatarja 12-mujore tani qëndron në 1.56C mbi nivelet para-industriale, pasi shkelja e parë njëvjeçare e ngrohjes prej 1.5C u konfirmua muajin e kaluar .
Në vitin 2015 në Paris, gati 200 vende ranë dakord të përpiqen të mbajnë rritjen e ngrohjes nën 1.5 gradë Celsius, për të ndihmuar në shmangien e disa prej ndikimeve më të këqija klimatike.
