Presidentja e Kosovës, Vjosa Osmani është shprehur pas takimit që ka kryer me kryeministrin shqiptar Edi Rama në Prishtinë se kanë diskutuar për proceset e ardhshme në axhendën ndërkombëtare, me fokus në Samitin e NATO-s dhe Samitin e Procesit të Berlinit
”Me Kryeministrin Edi Rama diskutuam sot proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit“, shkroi Osmani në rrjetet sociale.
Po ashtu ajo është shprehur edhe në lidhje me raportet mes dy shteteve, duke thënë se “forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike“.
