Ka shkuar në 17 numri i personave të vrarë gjatë sulmeve me raketa ruse mbi Kiev gjatë natës, ndërkohë vijojnë kërkimet mes rrënjoave. Mes viktimave janë 4 fëmijëve, konfirmoi administrate ushtarake e Kievit duke shtuar se kërkimet nën rrënoja po vijojnë në rajonin Darnytsia të Kievit.
Raketat ruse kanë goditur edhe ndërtesën e përfaqësisë së BE-së në Kiev dhe zyrat e British Council. Sulmi në zyrën diplomatike të BE-së nuk ka shkaktuar të lënduar vetëm dëme të mëdha, ndërsa tek zyrat e British Council është plagosur roja e godinës.
BE e Mbretëria e Bashkuar thërrasin ambasadorin rus
BBC shkruan se Bashkimi Europian do të thërrasë ambasadorin rus pas sulmeve të Moskës mbi Kievin, tha shefja e diplomacisë së BE-së, Kaja Kallas.
Kallas u shpreh se ky sulm tregoi se Rusia ka bërë një “zgjedhje të qëllimshme për të përshkallëzuar dhe përqeshur përpjekjet për paqe”.
Edhe Britania e Madhe do të thërrasë ambasadorin rus. Pritet që ambasadori Andrey Kelin të takohet me zyrtarë të ministries së jashtme, por jo me ministra.
Po minohet paqja?
Presidentja e Komisionit Evropian, Ursula von der Leyen, në një postim të mëparshëm në X, i përshkroi sulmet ndaj Kievit si “një natë tjetër të bombardimeve të pamëshirshme të Rusisë”.
Ajo paralajmëroi se “Rusia duhet të ndalojë menjëherë sulmet e saj diskriminuese ndaj infrastrukturës civile” dhe i bëri thirrje Putinit të “bashkohet me negociatat për një paqe të drejtë dhe të qëndrueshme”.
Kryeministri britanik, Keir Starmer, akuzoi më herët Rusinë se po “minon shpresat për paqe” me këto sulme “të pakuptimta”
Kremlini: “Të interesuar për negociata, por nuk ndalemi”
Ndërkohë Kremlini ka përcjellë mesazhin e qartë se janë të interesuar për negociata por sulmet nuk do ndalen.
Rusia vijon të ketë interesin për të vazhduar procesin negociator, për të arritur me mjete politike e diplomatike objektivat që kemi përpara” u shpreh zëdhënësi i Kremlinit, Dmitry Peskov, sipas agjencisë Interfax.
Ai nënvizoi se “Nuk ekziston asnjë marrëveshje për vendosjen e një “armëpushimi ajror” në konfliktin në Ukrainë.
Zëdhënësi i Kremlinit, Dmitry Peskov, i cituar nga agjencia Interfax tha “Nuk janë arritur marrëveshje mbi këtë çështje”
“Çdo gjë që mund të diskutohet në kuadër të kërkimit të një rruge drejt zgjidhjes, duhet të diskutohet në mënyrë diskrete”, shtoi Peskov.
