Dëbora që parashikohej të arrinte një trashësi deri në 40 centimetra në disa zona të qytetit turk dhe ka sjellë probleme me transportin.
Reshjet e dendura të dëborës kanë mbuluar Stambollin për herë të parë në vite pasi një stuhi arktike goditi rajonin, me temperatura që ranë në të gjithë Turqinë, Libanin, Jordaninë dhe Sirinë.
Dëbora që parashikohej të arrinte një trashësi deri në 40 centimetra në disa zona të qytetit turk dhe ka sjellë probleme me transportin. Makinat dhe autobusët kanë mbetur të bllokuara në rrugët me akull pasi trafiku u paralizua totalisht, ndërsa autoritetet mbyllën shkollat të premten. Aeroportet e Stambollit dhe Sabiha Gokcen njoftuan anulimin e fluturimeve ndërsa ekipet e heqjes së borës po punonin për të pastruar pistat.
Temperaturat pritet të bien nën zero në Stamboll dhe autoritetet edhe ndërprerje të mundshme të energjisë. Moti i ftohtë është shkaktuar nga një masë ajri nga Siberia që mbërriti në qytet herët të mërkurën. Ajo u pasua nga një javë me borë dhe breshër në Stamboll. Disa persona vendosën të shijojnë dëborën, ku një grup notarësh shkuan në ngushticën e Bosforit për një zhytje në ujërat e akullta.
Shërbimi meteorologjik i Turqisë lëshoi paralajmërime për borë të madhe përgjatë bregut të Detit të Zi gjatë gjithë rrugës nga Stambolli në kufirin me Gjeorgjinë, si dhe paralajmërime për rrezikun e ortekut për zonën kufitare lindore me Iranin, Irakun dhe Armeninë. 
