Me 45 vota, nga 55 të mundshme, më shumë se çdo kandidat tjetër, Armand Duka zgjidhet anëtar i Komitetit Ekzekutiv në UEFA.
Kreu i FSHF-së merr në këtë mënyrë një mandat të dytë në këtë post të lartë të UEFA-s.
Duka prej kohësh është një nga njerëzit e besuar të presidentit të UEFA-s, Aleksander Ceferin, me numrin një të futbollit evropian që pak kohë më parë vizitoi nga pranë ambientet e reja në “Shtëpinë e Futbollit”.
Një ndikim të madh në këtë vendim të anëtarëve me të drejtë vote ka pasur edhe organizimi i finales së Conference League në “Air Albania”.
