Një operacion masiv policor është duke u zhvilluar për të gjetur një djalë britanik, i cili besohet se është rrëmbyer nga nëna e tij ruse.
Babai britanik i trevjeçarit dha alarmin duke e raportuar zhdukjen e tij në policinë në Marbella . Një kërkim për djalin, të quajtur Oliver Pugh, dhe nënën e tij ishte duke vazhduar mbrëmë, ndërsa detektivët konfirmuan se po e trajtonin rastin si një “rrëmbim prindëror”.
Ministria e Brendshme e Spanjës publikoi dje një fotografi të vogëlushit Oliver, duke thënë se ai kishte lindur më 3 nëntor 2021 dhe ishte parë për herë të fundit në Marbella më 4 korrik. Një apel e përshkroi të voglin me sy gri, flokë bjonde, 85 cm të gjatë dhe 15 kg.
Një zëdhënës i policisë konfirmoi sot se babai i tij ishte britanik dhe nëna është ruse.
Ai tha se po e trajtojnë këtë si një rrëmbim prindëror.
