“Thiago mund të luajë pozicionet 6, 8, 10, 11 dhe madje 7.
Ai mund të zërë 3 ose 4 pozicione dhe ka aftësi të shkëlqyera një kuundër një. Unë e di potencialin e tij.
Ose vjen Thiago ose nuk vjen askush. Rummenigge dhe Sammer i dinë mirë arsyet pse dëshiroj të blej Thiago Alcantarën. Ai është një super lojtar ”
(Pep Guardiola)
Pasi pranoi stolin e Bajernit, Pep Guardiola kishte filluar punën me Rummeniggen dhe Sammerin për të pasur një ekip të përshtatshëm për lojën e tij. Të dy drejtuesit ishin të gatshëm të “shkruanin listën e blerjeve” por Pep i befasoi ata me vetëm një kërkesë: Thiago Alcantara. Ose ai, ose asnjë.
Padyshim që Thiago arriti në Mynih, u pagua pak për vlerën e tij (25 milion klauzola) dhe për një kohë të shkurtër ai filloi të “drejtojë orkestrën” fillimisht së bashku me Kroos dhe Schëeinsteiger, më vonë së bashku me Xabi Alonson duke i dhënë fund aventurës së tij gjermane me Kimmich dhe Goretzkën.
Një orkestër që shpesh luante muzikë të mrekullueshme në sajë të teknikës, vizionit dhe inteligjencës së këtij mesfushori që sezonin e kaluar ishte po aq vendimtar për tripletën bavarez si Lewandowski, Neuer dhe Muller.
Pasimi me të cilin ai preu PSG-në në dysh në veprimin e golit të Coman që vendosi finalen e vjetshme në Champions është me bukuri të pafundme.
Tani edhe ai po paguan për vitin e vështirë të Liverpulit por ende mbetet një nga mesfushorët më të mirë në botë. Sot Thiago mbush 30 vjeç. /T.K/
