Si artiste e meriton por nga performancat që ka dhënë duket se konkurrentët nuk janë fort të bindur që Fifi duhet të ishte e përzgjedhura e parë si finaliste në ‘DWTS’.
“Nuk e diskutoj aspak vendimin e publikut. Jam e bindur që Fifi, ajo vajza ka një ‘fan base’ të konsiderueshëm, sigurisht për karrierën e saj për fakti që është këngëtare që e duan shumë dhe nuk kam asnjë lloj kundërshtimi”, tha Enxhi.
“Unë mendoj që Fifi meritonte finalen absolutisht. Në momentin që ne prisnim finalistët unë kam qenë duke menduar dhe duke artikuluar me zë të ulët emrin e saj. Absolutisht ajo e meritonte finalen për artisten që ajo është brenda dhe jashtë skenës së ‘DWTS’”, tha Arnita.
“Për Fifin m’u bë shumë qejfi, në kuptimin që më doli parashikimi që unë kam bërë që pa nisur ky spektakël. Fifi nëpërmjet asaj që tregoi rezultati që ishte jo shumë e vlerësuar nga juria ama shumë e preferuar nga publiku”, tha Eni.
“Nga performancat që kemi bërë nga java në javë, mendova se do të ishte Enxhi që do të shkonte direkte në finale por në momentin që shkoi Fifi mendoj se e kanë ndihmuar shumë edhe votat e publikut”, tha Irgen.
