Në bashkëpunim me Qendrën Ndërkombëtare të Fëmijëve të Humbur (NCMEC), Facebook-u do të publikojë postime të shënjestruara, që quhen ‘‘Amber Alerts’’, në kryefaqet e përdoruesve për të ndihmuar në këtë mënyrë gjetjen e fëmijëve të humbur, raporton PCW.
Këto mini-postime mund të shpërndahen si nga faqja e Facebook, ashtu edhe nga aplikacioni Facebook në smartphone dhe do të përfshijnë foto të fëmijëve të humbur dhe detaje të rëndësishme rreth tyre, si përshkrimin fizik, emrin apo herën e fundit që është parë.
Por, sigurisht, ka disa kritere për këto publikime të cilat vendosen nga zyra vendase e policisë. Individët e humbur, që do të publikohen për ndihmë, duhet të jenë deri në moshën 17 vjeç.
