Shqipëria do të organizojë për vitin e dytë radhazi turneun eleminator të Kupës së Botës për futbollin e femrave për grupin B.
FSHF do t’i organizojë këto ndeshje për 5 ditë me radhë nga data 6 deri në datë 11 prill, ku në të bëjnë pjesë Kosova, Malta dhe Greqia.
Ndeshjet do të luhen në Elbasan dhe në Tiranë, sikundër edhe në dy eventet e mëparshme.
Skuadra kombëtare A e femrave prej ditësh është e grumbulluar në Elbasan. Takimi i parë hapës eleminator është në 6 prill ora 12.00 në “Elbasan Arena”, mes Shqipërisë dhe Kosovës.
Në të gjitha ndeshjet e këtij grupi, në të dyja stadiumet hyrja do të jetë falas për të gjithë ata që do të ndjekin këto takime.
