Kryeministri Edi Rama pret që Shqipëria të bëhet anëtare e Bashkimit Europian deri ne vitin 2030.
Mesazhi i tij është përcjellë ne gazetën “Corriere Della Sera”,ne nje interviste ku u fol edhe për zgjedhjet e vitit 2025, politiken e jashtme dhe qeverisjen qe nga viti 2013.
Ulja në tryezën e negociatave për anëtarësim në Bashkimin Europian është një prej arritjeve më të rëndësishme të Shqipërisë në vitin 2024.
Kjo fjali citohet nga kryeministri Edi Rama, në një intervistë të dhënë për gazetën italiane Corriere Della Sera dhe që vazhdon me dëshirën e tij, që procesi përmbyllet deri në vitin 2030.
Intervista prek edhe vitin 2025, kur vendi ynë do të mbajë zgjedhjet, për t’i dhënë Partisë Socialiste fitoren e katërt radhazi, ose për ta ndalur atë.
E për këtë proces, Rama thotë se pret me interes se si do të votojnë emigrantët jashtë Shqipërisë, të cilëve për herë të parë u jepet mundësia ta dërgojnë votën me zarf.
Pjesa tjetër e intervistës prek ndryshimet gjeoplitike pas rikthimit të Donald Trump në krye të SHBA-ve, miqësitë e kryeministrit me liderët italianë dhe dëshirën që lufta në Ukrainë të mbyllet sa më parë.
