Në historinë e përballjeve mes Shqipërisë dhe Letonisë, asnjëra skuadër nuk ka arritur të dalë fituese në pesë ndeshjet e zhvilluara deri më tani. Të gjitha takimet janë mbyllur në barazim, me të dyja ekipet që kanë shënuar nga gjashtë gola në total.
Takimi i fundit mes dy skuadrave është luajtur më 4 shtator 1999, pra rreth 26 vite më parë.
Ndeshja e parë mes Shqipërisë dhe Letonisë u zhvillua më 11 nëntor 1992 në Tiranë, në kuadër të kualifikueseve për Kupën e Botës 1994, dhe përfundoi me rezultatin 1-1. Sfida e kthimit në Letoni, më 15 maj 1993, u mbyll pa gola.
Më 10 shkurt 1998, dy ekipet barazuan 2-2 gjatë një turneu miqësor të zhvilluar në Maltë.
Në kualifikueset e Euro 2000, Shqipëria dhe Letonia u përballën sërish. Ndeshja e parë në Letoni më 28 prill përfundoi 0-0, ndërsa sfida e kthimit në Tiranë më 4 shtator 1999 u mbyll 3-3.
