32 emigrantë janë shpëtuar nga një anije e OJQ-së Sea Watch pas disa ditësh të bllokuar në një platformë nafte afër Tunizisë, ndërsa përballeshin me mungesë ushqimi dhe uji.
Sipas raportimeve, një prej emigrantëve humbi jetën si pasojë e urisë. Të mbijetuarit kontaktuan linjën emergjente Alarm Phone për të raportuar situatën kritike. Pas shpëtimit, emigrantët u transferuan në anijen Aurora, por ende nuk është caktuar një port sigurie për ta.
Në një video të shpërndarë nga OJQ-të, një emigrant tregoi se grupi kishte mbijetuar pas fundosjes së gomones dhe përjetoi kushte të rënda.
Në vitin 2023, mbi 210,000 njerëz tentuan të kalonin Mesdheun, ndërsa mbi 2,000 emigrantë humbën jetën në këtë rrugëtim të rrezikshëm.
