Të paktën pesë minatorë kanë humbur jetën dhe dy të tjerë janë të zhdukur pas një shpërthimi në minierën Cerredo, në Degaña, Asturias, Spanjë. Ngjarja ndodhi rreth orës 09:30, ndërsa shërbimet e urgjencës u thirrën për një problem me një makinë brenda minierës.
Katër persona të tjerë janë lënduar, ndërsa ekipet e shpëtimit, zjarrfikësit dhe njësitë e qenve janë në terren për të gjetur të zhdukurit. Presidenti i Asturias, Adrián Barbón, ka shpallur dy ditë zie në rajon. Plani rajonal i mbrojtjes civile është aktivizuar në nivelin më të ulët për menaxhimin e situatës.
