Më shumë se 40 njerëz kanë vdekur në Kenia pasi një digë shpërtheu pas shirave të dendur dhe përmbytjeve. Shtëpitë u shkatërruan dhe rrugët u bllokuan pasi diga shpërtheu në fshatin Kamuchiri në Kenian perëndimore.
“42 të vdekur, është një vlerësim konservativ. Ka ende të tjerë në baltë,” i tha agjencisë së lajmeve AFP guvernatori i qarkut Nakuru, Susan Kihika.
Më shumë se 100 njerëz janë vrarë nga përmbytjet që kanë shkatërruar disa pjesë të Kenias muajin e fundit. Ekipet e shpëtimit po gërmojnë nëpër baltë në kërkim të të mbijetuarve në fshatin pranë qytetit të vogël të Mai Mahiu.
Nga 42 trupat e gjetur deri më tani, 17 ishin fëmijë, sipas komandantit të policisë Stephen Kirui.
“Uji erdhi me shpejtësi të madhe nga diga e vjetër Kijabe dhe përlau shumë shtëpi dhe automjete. Nuk kemi parë kurrë përmbytje kaq shkatërruese që kur kemi lindur këtu në Mai Mahiu. Shumë njerëz janë ende të zhdukur,” tha banori David Kamau për BBC.
Qeveria ka vonuar hapjen e shkollave në të gjithë Kenian me më shumë shira që pritet të vijnë, sipas sinoptikanëve. Më shumë se 130,000 njerëz janë zhvendosur nga përmbytjet. Shirat e dendur kanë goditur gjithashtu Tanzaninë dhe Burundin fqinjë.
Të paktën 155 njerëz janë vrarë në Tanzani që nga janari. Në Burundi, rreth 100,000 njerëz janë zhvendosu
https://twitter.com/Reuters/status/1784841328494330029/photo/1?ref_src=twsrc%5Etfw%7Ctwcamp%5Etweetembed%7Ctwterm%5E1784841328494330029%7Ctwgr%5E4a9bccac975cd00055dd712dd1df2f0498e0745c%7Ctwcon%5Es1_&ref_url=https%3A%2F%2Fdosja.al%2Fbota%2Fshperthen-diga-ne-kenia-me-shume-se-40-te-vdekur-ne-fshatin-kamuchiri-foto-i368202
