Dy ish-banorët e Big Brother VIP 4, Aldo Marku dhe Shkëlzeni kanë qenë sot të ftuar në emisionin e mëngjesit në Top Channel ku komentuan edhe incidentin që ndodhi të shtunën gjatë prajmit, ku Jozi qëlloi me shuplakë Gjestin.
Shkëlzeni foli më tepër rreth kësaj ngjarje dhe u shpreh se Rozana dhe Laerti ishin ata që e nxitën këtë situatë.
“E ka nxitur, nxitje është ajo sepse insistoi dy tre herë. Edhe Laerti dhe besoj që edhe kjo e ka nxitur edhe më shumë edhe e ka lënduar egon e tij. Më shqetësoi shumë fakti që nuk reaguan fare Rozana dhe Laerti. Gerta reagoi. Egli nuk po e shihte, kur është kthyer e ka parë në tokë, kurse Rozana ka qenë te krahu i tij. Nuk ishte moment për shtangie dhe mosreagim. Instiktivisht sidomos kur e ke xhan dikë minimalisht ta kapësh siç bëri Gerta dhe ta ndalosh për ndonjë goditje tjetër se s’po them që të parandalojë. Më shqetësues ishte edhe qëndrimi i Laertit me duar në xhepa sikur s’kishte ndodhur asgjë. Dukej sikur e kanë dashur këtë gjë. U kënaqën. Nuk di si ta shpjegoj ndryshe”, tha Shkëlzeni.
