Rritet bilanci i viktimave nga tërmeti tragjik që goditi Marokun mbrëmjen e së premtes. Deri më tani autoritetet kanë bërë të ditur se 1037 njerëz kanë mbetur të vrarë nga lëkundjet vdekjeprurëse.
Ndërkohë ekipet e shpëtimit po vijojnë punë në terren për gjetjen e njerëzve nën rrënoja. Sipas ministrisë së Brendshme 1037 njerëz janë vrarë dhe mbi 672 të tjerë kanë mbetur të plagosur, ku 202 prej tyre raportohet se janë në gjendje të rëndë shëndetësore.
Shumica e viktimave janë në zonat malore jashtë Marrakech, qyteti më i afërt me epiqendrën. Sipas Shërbimit Gjeologjik të Shteteve të Bashkuara (USGS), kjo ishte lëkundja më e fortë që goditi atë pjesë të kombit të Afrikës Veriore, në më shumë se një shekull.
Që nga viti 2004, vendi nuk ka parë një fatkeqësi të tillë, kur një tërmet me magnitudë 6.3 goditi qytetin port të Al Hoceima. Nga ai tërmet vdiqën 630 njerëz dhe u shkaktuan dëme të mëdha.Tërmeti më i keq i kohëve moderne në Marok ishte në vitin 1960 pranë qytetit perëndimor të Agadirit, i cili vrau të paktën 12,000 njerëz.
