Modelja italiane Valentina Ferragni ka folur për diagnozën e saj “të tmerrshme” të kancerit të lëkurës, pasi gërvishti atë që mendonte se ishte një puçërr.
Ferragni, 30 vjeç, zbuloi se njolla në ballin e saj, e cila kishte qëndruar atje për një vit, doli të ishte kancer në lëkurë. Ajo e hoqi atë menjëherë, si dhe një pjesë të mishit ndoshta kanceroz poshtë saj, raporton Daily Mail UK.
Ajo tani ka shpërndarë disa foto në faqen e saj në Instagram për të treguar se si dukej “puçrra”, për të ndihmuar të tjerët të kujdesen për shenja të ngjashme të kancerit të lëkurës.
Ajo shkroi, “Dy vite më parë hoqa një ‘puçërr’ që më ishte nën lëkurë për gati një vit dhe filloi të ndryshonte një muaj para se të bëja operacionin.
“Mjekët nuk mund të tregonin se çfarë ishte para operacionit dhe zbuluan se ishte Karcinoma e qelizave bazale – një kancer i keq i lëkurës.”
Ferragni është motra më e vogël e Chiara Ferragni, 36 vjeç, dhe themeloi markën e saj të bizhuterive, Valentina Ferragni Studio.
https://www.instagram.com/p/Czrk2MsM0__/?igshid=MzRlODBiNWFlZA==
Karcinoma e qelizave bazale është edhe lloji më pak i rrezikshëm dhe më i zakonshëm i kancerit të lëkurës, zakonisht me rritje të ngadaltë dhe që gjendet në zonat e trupit të ekspozuara ndaj diellit. Forma më e rrezikshme e kancerit të lëkurës është melanoma, e cila mund të jetë kërcënuese për jetën nëse nuk trajtohet.
Duke parë pas, Ferragni tha se “jeta ndryshoi shumë shpejt dhe tani i kushtoj vëmendje çdo detaji të vogël në lëkurën time, çdo gjëje që mund të ndryshojë dhe të jetë diçka tjetër”.
Ajo shtoi se misioni i saj që nga diagnoza është “përhapja e vëmendjes së kancereve të lëkurës … ju lutemi kontrolloni veten dhe shkoni te mjeku.
K.Sula/ Syri.net/ Newstalk
