Një ngjarje e rëndë ka ndodhur në Rusi, ku shembja e një ure në Rusinë Perëndimore, ka shkaktuar një viktime dhe pesë të plagosur.
Siç duket edhe nga pamjet, ura që u shemb ra sipër shinave të trenit.
Kamerat e sigurisë në vendngjarje filmuan momentin e shembjes së urës, teksa mbi të ndodheshin disa automjete.
Shembja e urës shkaktoi dëme edhe në rrjetin e furnizimit me gaz, duke lënë pa gaz 8000 familje në rajonin e Smolenskut.
Edhe pse shkaku i shembjes nuk është bërë i ditur ende, mediat ruse raportojnë se vjetërsia e urës ka më shumë gjasa të jetë bërë shkak i shembjes.
