Pas largimit nga pankina të Simaos, në stolin e Olimpijas së Ljubljanës është vendosur Ivan Senzen.
Tekniku i përkohshëm i ekipit slloven, doli në konferencë për shtyp, para ndeshjes ndaj Egnatias në Conference League.
“Jemi të përqendruar te vetja sepse e dimë që duhet të jemi në kulmin tonë. Nuk ka favoritë në këtë ndeshje. Pavarësisht faktit që mora drejtimin e ekipit rreth 24 orë më parë, është e qartë se atmosfera është pozitive. Lojtarët e dinë se çfarë do të thotë ndeshja e nesërme, ata e dinë se çfarë do të thotë të luash për këtë klub. Kemi pasur shumë biseda.
Nuk dua të zbuloj shumë, do të shihni gjithçka rreth përzgjedhjes së lojtarëve nesër. Por e di që Olimpija duhet të luajë futboll sulmues. E kemi analizuar mirë kundërshtarin, por para së gjithash jemi të përqendruar te vetja”,- tha ai.
