Sekretari i Përgjithshëm i OKB- së Antonio Guterres pritet këtë të shtunë në kufirin e Egjiptit me Rripin e Gazës, ndërsa Izraeli parashikon një ofensivë tokësore përtej kufirit në Rafah, në enklavën jugore palestineze, edhe pa mbështetjen e aleatëve të tij amerikanë.
Në Rripin e Gazës, luftimet vazhdojnë të pandërprera, kryesisht rreth spitalit Al Shifa në qytetin e Gazës, në pjesën veriore të enklavës palestineze, ku ushtria izraelite tha se kishte vrarë më shumë se 150 luftëtarë palestinezë dhe kishte arrestuar qindra të dyshuar që nga fillimi i javën.
Në mëngjesin e kësaj të shtune, ministria e Ahëndetësisë e Hamasit në Gaza njoftoi se 67 persona kishin vdekur gjatë natës.
Ndërsa, Antonio Guterres do të takohet me punonjësit e ndihmës në “ana egjiptiane” e kufirit me Rafah, qyteti i Gazës që është shtëpia e rreth 1.5 milion palestinezëve, mes frikës së popullatës në rast të operacionit tokësor atje të Izraelit.
Gjatë vizitës së tij, Sekretari i Përgjithshëm i OKB-së pritet të përsërisë thirrjet për një armëpushim që do të lejojë hyrjen e ndihmave humanitare në enklavën palestineze pas më shumë se pesë muajsh luftë midis Izraelit dhe Hamasit.
Guterres do të vizitojë Al Ares në Sinain verior të Egjiptit, ku shpërndahet dhe përqendrohet pjesa më e madhe e ndihmës ndërkombëtare për Gazën, si dhe anën egjiptiane të kalimit kufitar Rafah, e cila është një nga pikat hyrëse për ndihmën për qesen palestineze.
Ai pritet gjithashtu të vizitojë një spital në Al Ares dhe të takohet me punonjësit humanitar të OKB-së në Rafah
