TIRANË – Ish-banorja e Big Brother Vip, që doli nga shtëpia pas konfrontimit fizik me Franceskën, ka rrëfyer gjatë ditës së sotme në “Ftesë në 5” një anë të errët të jetës së saj.
Sara tha mes lotësh se babai i saj nuk e ka kërkuar kurrë. Ajo shtoi se kur ishte 4 vjeçe, i ati i kishte blerë diçka, që kur e ka konsumuar i ka kushtuar jetën. Sipas saj, kjo ngjarje ka bërë që ajo të jetë mosbesuese ndaj shumë njerëzve.
Më tej, Sara deklaroi se babai jo vetëm që ka dashur ta rrëmbejë kur ka qenë fëmijë, por se e ka përndjekur për 4 vite rresht.
“Im at është gjallë por s’më ka kërkuar kurrë. Një herë që më ka kërkuar, më ka sjellë diçka që unë e kam konsumuar dhe për pak kam humbur jetën në moshën 4-vjeçare. Kjo tregon mos besimin tim te njerëzit. Nëse im atë ishte në gjendje ta bënte atë, çfarë të pres nga të tjerët. Për 4 vite me radhë me një llogari false jam shantazhuar, ofenduar e kritikuar dhe ime më ishte gjykuar për mënyrën sesi më kishte rritur.
Mora vesh që pas asaj llogarie ishte sërish im atë. Prandaj nga njerëzit kisha tërheqje. Ato gjëra lënë gjurmë. Gjithmonë ka deklaruar që më ka dashur shumë, kur Gjykata ka vendosur të qëndroja me nënën. Ka reaguar shumë keq. Njëherë e kam parë që ka vrapuar, i kam thënë dajës po më ndjek ky xhaxhi”-tha mes lotësh Sara.
