Një takim i mbështetësve të Evropës Perëndimore të Ukrainës, i njohur si “koalicioni i të vullnetshmëve”, në Pallatin Elysee në Paris të enjten ka mbledhur së bashku Presidenten e Komisionit Evropian Ursula von der Leyen, presidentin ukrainas Volodymyyr Zelensky dhe udhëheqësit e Belgjikës, Polonisë, Finlandës dhe Francës.
Sipas një raporti të Axios, Trump zhvilloi një takim virtual të enjten me Zelenskyn dhe një grup të udhëheqësve evropianë për të diskutuar përpjekjet diplomatike të ngecura për t’i dhënë fund konfliktit.
I dërguari i Trump, Steve Witkoff, udhëtoi për në Paris dhe mori pjesë në takimin para telefonatës, si dhe u takua veçmas me Zelenskyn.
Sipas Axios, zyrtarët e Kievit thanë se Zelensky diskutoi një sërë opsionesh për garanci sigurie me udhëheqësit evropianë, me parimet kryesore që ishin një ushtri e fortë ukrainase, një prani ushtarake evropiane në vend dhe një “mbështetës” amerikan.
Trump i tha CBS News të mërkurën se ai mbetet i përkushtuar për të ndjekur një marrëveshje paqeje Rusi-Ukrainë, pavarësisht pasigurisë mbi perspektivën e bisedimeve ballë për ballë. Ai e karakterizoi qëndrimin e tij si realist dhe optimist, duke deklaruar: “Diçka do të ndodhë, por Putin dhe Zelensky nuk janë ende gati. Por diçka do të ndodhë. Ne do ta bëjmë.”
