Alexis Saelemaekers po spikat te Roma nën drejtimin e trajnerit Klaudio Ranieri, duke u bërë një nga lojtarët kyç të skuadrës. Belgjiani, i ardhur në huazim nga Milani në fund të merkatos së verës, ka treguar një formë të jashtëzakonshme, duke bindur drejtuesit e klubit kryeqytetas për të bërë transferimin e tij të përhershëm.
Roma është e vendosur të blejë kartonin e tij, i cili aktualisht i përket Milanit deri në vitin 2027. Klubi po shqyrton oferta konkrete, duke përfshirë edhe mundësinë e shkëmbimit të Saelemaekers me Tami Abraham ose mesfushorin Brajan Kristante, i cili duket se nuk bën më pjesë në planet e Ranierit. Kjo tregon rëndësinë që Roma i jep belgut, duke e konsideruar atë pjesë të së ardhmes së skuadrës.
Nga ana tjetër, Milani nuk dëshiron të heqë dorë lehtë nga Saelemaekers. Trajneri i ri, Serxho Kosenso, e sheh atë si një lojtar të përshtatshëm për skemën 4-4-2 që dëshiron të implementojë sezonin e ardhshëm. Conceicao ka bërë të qartë që Saelemaekers është pjesë e planeve të tij, gjë që e bën të vështirë arritjen e një marrëveshjeje mes dy klubeve.
Cristante, një mesfushor me përvojë dhe cilësi balancuese, mund të jetë një opsion interesant për Milanin, i cili kërkon të përforcojë mesfushën. Ndërkohë, Saelemaekers duket se preferon të qëndrojë te Roma, ku ka gjetur hapësirën dhe besimin që i nevojiten për të shkëlqyer.
Bisedimet për të ardhmen e belgut kanë nisur dhe pritet të jenë një nga temat më të diskutuara të merkatos së janarit dhe verës.
