Një person humbi jetën dhe të paktën tre të tjerë u plagosën në disa të shtëna me armë zjarri në një shkollë në Anapa të Rusisë.
Autori besohet të jetë një student 17-vjeçar, i cili u arrestua nga autoritetet lokale menjëherë pas të shtënave.
Autori besohet të jetë një student 17-vjeçar, i cili u arrestua nga autoritetet lokale menjëherë pas të shtënave.
Roja e shkollës që e pa i pari dhe thirri policinë u përpoq ta ndalonte, por 17-vjeçari e qëlloi për vdekje.
Të paktën tre persona të tjerë u plagosën në incidentin e përgjakshëm, ndërsa autori u arrestua nga oficerët e Rosgvardiya. Në llogarinë e tij personale në Telegram, i riu shkroi: “Nuk do të ketë të pafajshëm këtë ditë”.
Një nga studentët i tha 93.RU se Ilya “dukej normal”.
“Askush nuk po e godiste, askush nuk po tallte me të, të paktën jo në publik”, u shpreh studenti.
Kanali Mash në Telegram, duke cituar studentët e kolegjit, raportoi se 17-vjeçari dyshohet se kishte paguar 500,000 rubla si ryshfet për të marrë një diplomë të hershme në “Mirëmbajtje Automobilistike”, por në fund u mashtrua.
Në një postim në Telegram, guvernatori i rajonit Krasnodar e quajti incidentin një “krim të shëmtuar” dhe falënderoi forcat e rendit dhe Rosgvardiya për reagimin e tyre të shpejtë, duke vënë në dukje se ata “nuk lejuan viktima të mëdha”.
