Në një bisedë në oborrin e shtëpisë, Rozana dhe Laerti diskutuan mbi marrëdhënien mes Gjestit dhe Eglit, e cila ka ngritur dyshime mes banorëve. Disa mendojnë se lidhja e tyre është thjesht një strategji loje, por Egli ka shprehur hapur ndjenjat e saj dhe është treguar e lënduar.
Laerti u shpreh se shumica e banorëve besojnë se gjithçka është një skenar, por ai mendon se ndjenjat e Eglit janë të sinqerta. Rozana e mbështeti këtë mendim, duke theksuar se edhe ajo ka qenë e këtij mendimi më parë.
Megjithatë, Laerti kritikoi mbështetjen e madhe të Rozanës për Gjestin, duke sugjeruar që ajo të distancohet dhe ta lërë atë të veprojë vetë: “Lëre, të shohim kush është pa ty!”. Rozana pranoi se është “hedhur në zjarr” për të mbrojtur Gjestin, por Laerti këmbënguli se ai duhet të përballet vetëm me situatën.
