Mike Maignan ka kontratë me Milanin deri në qershor të vitit 2026 dhe ende nuk ka rinovuar.
Siç raportohet nga La Gazzetta dello Sport, muajt e fundit ishte arritur një marrëveshje bazë, por më pas një sërë gabimesh të francezit i kishin ngadalësuar negociatat, me të ardhmen e portierit që u bë sërish temë diskutimi.
Portieri ka kërkuar të njëjtën pagë si Leao, por klubi nuk është dakord. Maignan fiton 3.5 milionë euro neto në sezon dhe Djajtë kanë bërë të ditur se nuk janë të gatshëm t’i ofrojnë më shumë se 4.5 milionë në vit.
