Instituti Kombëtar i Trashëgimisë Kulturore bëri të ditur se përfunduam ndërhyrjet restauruese dhe konservuese në Xhaminë e Allajbegisë, në Dibër.
Falë mbështetjes së Ministrisë së Ekonomisë, Kulturës dhe Inovacionit, me një projekt të hartuar nga IKTK dhe të ndjekur nga Drejtoria Rajonale e Trashëgimisë Kulturore Tiranë, kjo pasuri unike kulturore i kthehet komunitetit si një monument i restauruar me dinjitet, duke ruajtur vlerat arkitekturore dhe historike që e karakterizojnë.
IKTK e cilëson këtë restaurim si një tjetër hap domethënës në mbrojtje të trashëgimisë sonë të përbashkët.
Xhamia e Allajbegisë është shpallur Monument Kulture, Kategoria I, në vitin 1970. Ajo gjendet në fshatin Burim të Dibrës. Kjo xhami është ndërtuar në vitin 1578 dhe i takon tipologjisë së xhamive të vogla monumentale me kupolë, minare dhe hajat.
Teknika e përdorur e klauzonazhit është një veçori e rrallë për rajonet verilindore të Shqipërisë. Xhamija e Allajbegisë përbëhet nga salla e lutjeve në formë kubike e mbyllur me një kuve, minareje dhe themelet e një portiku të shembur si pasojë e një tërmeti.
Dera në anën veriore shërbente për të hyrë në sallën e lutjeve. Mihrabi dhe gjurmë të mimbar janë gjetur në murin jugor të dhomës të ndërtuar me dru. Salla e lutjeve është mbuluar nga një kupolë në formë sferike.
Në muret perëndimore, jugore dhe lindore janë vendosur nga tre dritare në dy rreshta, ndërsa në murrin verior ndodhen vetëm në një rresht.
