Hetuesit gjermanë kryen bastisje në shtatë shtete federale dhe kapën kokainë me vlerë miliarda euro. Hetuesit thanë se ishte konfiskimi më i madh i kokainës në Gjermani. Siç raportohet dhjetra ton drogë u sekuestruan dhe shtatë persona u arrestuan.
BILD bën të ditur se janë përfshirë 35 ton kokainë me vlerë rreth 30 miliardë euro. Sasia e madhe e drogës mësohet se është kapur në portin e Hamburgut. Një pjesë e kokainës ishte fshehur në arkat e frutave mes ananasit. Bastisjet u zhvilluan në North Rhine-Westphalia, Bavari, Berlin, Brandenburg, Hamburg, Hesse dhe Saksoninë e Ulët. Deri më tani nuk dihen detaje të tjera dhe as nuk dihet se kush është arrestuar.
Në një ftesë për një konferencë për shtyp, Zyra e Prokurorit të Shtetit të Dyseldorfit deklaroi se do të raportoi për “konfiskimin e dhjetëra tonëve kokainë me vlerë disa miliardë euro, që çoi në arrestimin e shtatë personave”.
Bëhet fjalë për rezultatet e operacionit të koduar ‘Plexus’, i cili u krye nga një ekip i përbashkët hetuesish narkotikësh doganor dhe policor nga Shtutgarti, Karlsruhe dhe North Rhine-Westphalia.
