“Unë u kërkoj vëllezërve tanë në Europë… kanë mbetur edhe 7 ditë. Gjithçka po shkon mirë për momentin. Shumë njerëz po votojnë. Numri i votave është më i lartë krahasuar me zgjedhjet e fundit, por le të jetë edhe më i lartë. Jepini përgjigjen e merituar nipave të nazizmit, që kanë imponuar shtypjen fashiste, duke votuar po”, tha Erdogan.
Presidenti turk, Recep Tayyip Erdogan nuk ndalet, teksa i ka kërkuar së fundmi zgjedhësve turq në Europë, të sfidojnë “nipat e nazistëve” dhe të mbështesin referendumin e këtij muaji mbi ndryshimet kushtetuese.
Erdogan vazhdon me rebelimin e tij me Bashkimin Europian, në veçanti me Gjermaninë, gjatë fushatës, duke i akuzuar për taktikat e tyre naziste, pas ndalimit të ministrave të tij që të flisnin në tubimet me zgjedhësit turq jashtë vendit.
Në fjalimin e mbajtur në provincën Rize, në Detin e Zi, Erdogani tha, po ashtu, se Turqia do të rivlerësojë procesin e anëtarësimit në BE, pas referendumit.
