Qytetet evropiane po gjejnë mënyra të reja për të nxitur turizmin e gjelbër. Në vend që të vendosin gjoba apo taksa, ato po shpërblejnë turistët që sillen me përgjegjësi ndaj mjedisit.
Në Kopenhagë, përmes skemës CopenPay, vizitorët që përdorin transport publik, marrin pjesë në pastrime ose ndihmojnë në kopshtet komunitare fitojnë shpërblime si biçikleta falas, turne me varka dhe dreka.
Shembulli është ndjekur edhe nga qytete të tjera:
Berlini planifikon të ofrojë zbritje në muze, ushqim falas dhe biçikleta për ata që vijnë me tren dhe qëndrojnë më gjatë.
Helsinki do të fokusohet në projekte mjedisore dhe në inkurajimin e turistëve të përdorin biçikletën.
Bremeni u jep vizitorëve që mbërrijnë me tren dhurata dhe kupona nga bizneset lokale.
Në Alpe, disa resorte skish si Via Lattea dhe Les Gets-Morzine ofrojnë deri në 25% ulje të ski-pass për ata që shkojnë me tren.
Edhe vende të tjera kanë nisur iniciativa të ngjashme: Londra shpërblen me pije falas gjatë pastrimeve, Zvicra ofron hyrje falas në mbi 500 muze për ata që udhëtojnë me transport publik, ndërsa Normandia jep zbritje për vizitorët që vijnë me biçikletë, tren apo autobus
