Një qytetare ka ndarë publikisht një incident me ndërmjetësuesen Eni Çobani duke rrëfyer se si kjo e fundit i është drejtuar me fjalë ofenduese në mesazhe private.
Sipas mesazhit që do të paraqitet më poshtë, ndjekësja pretendon se Eni ka ofenduar mikeshën e saj pasi kjo e fundit kishte komentuar në një post të saj në lidhje me disa të pavërteta të pretenduara në emisionin e zonjës Çobani, “Shihemi në Gjyq”, duke e akuzuar për manipulim dhe marrje parash nga qytetarët që paraqiten në programin televiziv.
“Dua t’ju dërgoj një foto për t’ju treguar sesi zonja Eni Çobani u kthen përgjigje grave të mbuluara. Një mikja ime i kishte shkruar dhe i kishte nxjerrë në pah të gjitha gënjeshtrat që thuhen në emisionin e saj në TV Klan. Ajo u merr para njerëzve dhe i mëson të gënjejnë.
Mikja ime kishte komentuar dhe kishte treguar të vërtetën, por ajo i ishte përgjigjur privatisht në këtë gjuhë. Për më tepër, komenti i saj ishte fshirë. Ajo nuk kishte ofenduar askënd, thjesht kishte thënë atë që është e vërtetë.”, shkruan mesazh dërguesja tek Joq.
