Opozita proteston para Kryeministrisë, e dyta radhazi për këtë vit, ku kërkohet dorëheqja e kryeministrit Edi Rama dhe Belinda Ballukut, pas skandaleve të kësaj të fundit me tenderat.
Opozita akuzon Ramën dhe Ballukun për korrupsion dhe abuzim me pushtetin, ndërsa SPAK ka marrë të pandehur dhe kërkon heqjen e imunitetit të zv/kryeministres e cila edhe me vendim të Gjykatës Kushtetuese, është e pezulluar nga detyra.
Organizatorët e kanë konsideruar protestën si vendimtare dhe vjen në një moment që ata e cilësojnë si “kilometrin e fundit”.
Në vijim priten mesazhe politike, ku 6 folës do të ngjiten në podium, thirrje për veprim dhe një skenar i qartë për hapat e ardhshëm të opozitës pas përfundimit të tubimit.
Kujtojmë që në protestën e 24 janarit, mbështetësit e opozitës hodhë fishekzjarre e bomba molotov drejt godinës së Kryeministrisë, ndërsa më pas u mblodhën edhe përpara Parlamentit, ku u shënuan edhe përplasje me policinë.
1300 forca policore ndodhen në terren për mbarëvajtjen e protestës.
