Aktivistit konservator Charlie Kirk, është qëlluar me armë në një aktivitet në kampusin e Universitetit të Utah.
Universiteti i Utah ka publikuar një deklaratë ku thuhet se një “e shtënë e vetme u krye në kampus ndaj një folësi të ftuar”. Ata thonë se një i dyshuar është ndaluar dhe policia po heton.
Charlie Kirk është një komentator konservator dhe drejtues podcast-i me miliona ndjekës.
Ai njihet më së shumti si themeluesi i Turning Point USA, një organizatë jofitimprurëse që synon të përhapë idetë konservatore tek studentët në kampuset universitare në SHBA. Ai ka 5.2 milionë ndjekës në X dhe 7.3 milionë ndjekës në TikTok. Kirk është një mbështetës i zjarrtë i Presidentit Donald Trump
Presidenti i SHBA-së, Donald Trump, ka reaguar ndaj lajmit për të shtënat ndaj Charlie Kirk.
“Duhet të lutemi të gjithë për Charlie Kirk, i cili është qëlluar,” shkroi ai në Truth Social. “Një djalë i mrekullueshëm nga koka te këmbët. ZOTI E BEKOFTË!”
Zëvendës Presidenti, JD Vance deklaroi pas ngjarjes: “Lutuni për Charlie Kirk, një djalë vërtet i mirë dhe një baba i ri.”
