Shefja e kabinetit të kryeministrit, Vali Bizhga është larguar nga posti që ka mbajtur prej shumë vitesh pranë Edi Ramës.
E njohur si krah i djathtë i kryeministrit, Bizhga ka qenë pjesë e ngushtë e ekipit të tij që kur ai drejtonte Bashkinë e Tiranës.
Bizhga ka mbajtur një profil të ulët publik, por është konsideruar si një prej figurave kyçe në strukturën drejtuese të Kryeministrisë.
Mësohet se arsyeja e dorëheqjes lidhet me probleme shëndetësore që kanë ndikuar në vendimin e saj për t’u tërhequr nga funksionet ekzekutive.
Surpriza e lëvizjes vjen nga përzgjedhja e pasardhëses së saj, e cila do të jetë sërish një grua. Mësohet se bëhet fjalë për Vilma Premtin, e cila deri pak ditë më parë mbante detyrën e shefes së kabinetit të kryetares së Gjykatës Kushtetuese, Olta Zaçaj.
Premti pritet të marrë zyrtarisht detyrën e re si shefe e kabinetit të kryeministrit në ditët në vijim.
