Katër armë pa leje janë gjetur në shtëpitë e tre serbëve banorë të Banjskës në veri të Kosovës. Policia e Kosovës ka lajmëruar se armët e llojeve të ndryshme janë gjetur një ditë para se të niste sulmi terrorist ku mbeti i vrarë reshteri Afrim Bunjaku.
“Fsh. Banjskë, Zveçan 23.09.2023 – 11:50. Gjatë kontrollit të shtëpisë dhe objekteve përcjellëse pronë e të dyshuarit mashkull/Serb, i dyshuari ka lajmëruar se posedon një pushkë “Karabin” me 87 copë fishekë dhe një pushkë ajrore. Me vendim të prokurorit armët e gjetura janë konfiskuar, rasti vazhdon në procedurë të rregullt”, thuhet në njoftim.
Në një tjetër rast, policia ka gjetur në shtëpinë e të dyshuarit serb po ashtu pushkë të llojit “Karabinë” me 74 fishekë.
“Fsh. Banjskë, Zveçan 23.09.2023 – 11:50. Gjatë kontrollit të shtëpisë dhe objekteve përcjellëse pronë e të dyshuarit mashkull/Serb, i dyshuari ka lajmëruar se posedon një pushkë gjuetie dhe 74 copë fishekë për të cilën nuk posedonte leje valide. Me vendim të prokurorit arma e gjetur është konfiskuar, rasti vazhdon në procedurë të rregullt”, thuhet në njoftimin tjetër të PK-së.
Në rastin e tretë, po ashtu një tjetër serbi në shtëpi iu është gjetur një pushkë “Karabinë” pa municion.
“Fsh. Banjskë, Zveçan 23.09.2023 – 11:50. Gjatë kontrollit të shtëpisë dhe objekteve përcjellëse pronë e të dyshuarit mashkull/Serb, i dyshuari ka lajmëruar se posedon një pushkë “Karabin” pa municion. Me vendim të prokurorit arma e gjetura është konfiskuar, rasti vazhdon në procedurë të rregullt”, thuhet më tej.
Në njoftimin për rasti ne fundit, policia bën të ditur se në shtëpinë e një tjetër serbi është gjetur një pushkë gjueti edhe 10 copë fishekë.
