Dy persona kanë humbur jetën dhe 14 rezultojnë të zhdukur pasi dy anije u përplasën në një lumë në provincën Hunan, në Kinën qendrore.
Aksidenti ndodhi rreth orës 10:00 me orën lokale në lumin Yuanshui, pranë qytetit Qinglang.
Dy persona në bordin e anijes u nxorrën të vdekur nga lumi. Tre të tjerë u shpëtuan dhe u dërguan në spital, por gjendja e tyre shëndetësore nuk konsiderohet shqetësuese.
Operacioni i kërkim-shpëtimit vazhdon, ndërsa është urdhëruar hetimi për zbardhjen e shkaqeve të aksidentit.
