Pas disa ditësh mungesë në rrjete sociale, Jozi Marku është rikthyer në Instagram, pak ditë pas incidentit të bujshëm gjatë gjysmëfinales së Big Brother VIP Albania, ku ai sulmoi fizikisht Gjestin – finalist me origjinë nga Kosova.
Ngjarja ndezi reagime të ashpra, sidomos nga publiku kosovar, ku shumë prej tyre dënuan veprimin e këngëtarit dhe deklaruan hapur se nuk e duan më në Kosovë.
Megjithatë, mbrëmjen e djeshme, Jozi ka postuar një foto nga Prekazi, pranë Kompleksit Memorial të familjes Jashari, duke sfiduar në heshtje gjithë reagimin publik.
Pavarësisht kritikave dhe bujës së madhe që ngjarja shkaktoi, Jozi nuk ka bërë ende asnjë reagim publik apo sqarim për atë që ndodhi live në spektakël.
