Partizani ka fituar 0-1 ndaj Teutës, në ndeshjen e luajtur në “Arenën e Demave” (Superiore). Episodi më i rëndësishëm i pjesës së parë erdhi në minutën e 33-të. Maguette ndërhyn ndaj Filit, duke shkaktuar kështu penallti në dëm të skuadrës së kuqe.
Nga 11-metra u nis Fili, i cili gaboi. Në fillimin e pjesës së dytë, Partizani “ngacmon” portën kundërshtare, fillimisht me Carën, e më pas me Mehmetin. Pas një ore lojë, Bintsouka provoi të zgjidhë vetë ndeshjen, por e menjëhershme ishte përgjigja e portierit Dema. Goli i fitores për Partizanin u realizua në shtesë, nga Keko.
Me këtë rezultat, Partizani renditet në vendin e dytë me 20 pikë, ndërsa Teuta në vendin e parafundit me 11 pikë.
