Bota po përballet me një krizë të paprecedentë të ujit, e nxitur nga kërkesa në rritje e ujit të pijshëm dhe ngrohja globale.
Sipas një studimi nga i cili publikohet çdo 4 vite nga Atlasi i Rrezikut të Ujit nga Instituti Botëror i Burimeve, një e katërta e popullsisë së botës po përballet me një stres të jashtëzakonshëm të ujit të pijshëm dhe me 1 miliard njerëz të tjerë që pritet të preken deri në vitin 2050.
Raporti i publikuar këtë të mërkurë, shpjegonn se stresi i lartë i ujit të pishëm do të thotë se vendet e prekura po përdorin po përdorin 80% të burimeve të tyre të rinovueshme dhe ujit të pijshëm.
Analiza zbuloi se 25 vende, që përfaqësojnë 25% të popullsisë globale, përjetojnë stres jashtëzakonisht të lartë të ujit çdo vit, ku pesë më të prekurit janë Bahrein, Qipro, Kuvajti, Libani dhe Omani. Një thatësirë afatshkurtër mund t’i rrezikojë këto vende të mbeten pa ujë.
Në nivel global, kërkesa për ujë është dyfishuar që nga viti 1960 dhe raporti parashikon që ajo do të rritet me 20 deri në 25% të tjera deri në vitin 2050. Rritja e kërkesës për ujë rrjedh nga një sërë faktorësh, duke përfshirë rritjen e popullsisë dhe kërkesat e industrive të tilla si bujqësia, së bashku me politikat e paqëndrueshme të përdorimit të ujit dhe mungesën e investimeve në infrastrukturë.
Në Lindjen e Mesme dhe Afrikën Veriore të cilat janë rajonet me më shumë mungesë uji në botë, e gjithë popullata do të jetojë me stres jashtëzakonisht të lartë të ujit nga mesi i shekullit, parashikon raporti, duke ndikuar në furnizimin me ujë të pijshëm, duke dëmtuar industritë dhe duke nxitur potencialisht konfliktin politik.
Ndryshimi më i madh në kërkesën për ujë do të ndodhë në Afrikën Sub-Sahariane sipas raportit, i cili parashikon një rritje prej 163% të kërkesës për ujë deri në vitin 2050.
