“Kequshqyerja tek gratë shtatzëna dhe foshnjat do të ketë pasoja brezash duke shkaktuar potencialisht probleme serioze që do të kërkojnë kujdes gjatë gjithë jetës për fëmijët e lindur ose që po lindin aktualisht në Rripin e Gazës”. Kështu paralajmëroi të mërkurën një zyrtar i lartë i Fondit të Popullsisë së Kombeve të Bashkuara (UNFPA).
Duke u kthyer nga një mision pesëditor në Jerusalem, Bregun Perëndimor dhe Gaza – ku kaloi pesë orë – Andreë Samburton e krahasoi shkallën e “shkatërrimit” në enklavën palestineze me “vendndodhjen e një filmi distopik”, gjatë një konference për shtyp në selinë e OKB-së në Nju Jork. Zyrtari, i specializuar në shëndetin seksual dhe riprodhues, kujtoi se një në katër banorë të Rripit të Gazës vuan nga uria, përfshirë të paktën 11,500 gra shtatzëna.
Si rezultat, 70% e të porsalindurve lindin para kohe ose kanë një peshë shumë më të ulët se normale, një shifër që ishte 20% para tetorit 2023. Në shumicën e tyre, njësitë neonatale janë të ngopura – duke vepruar me 170% të kapacitetit të tyre, gjë që i detyron ata të vendosin shumë foshnje në të njëjtin inkubator, vuri në dukje z. Samberton. Një në tre shtatzëni konsiderohet “me rrezik të lartë” dhe shkalla e vdekshmërisë së nënave është “e lartë”, vazhdoi ai. Problemi “më i rëndësishëm” është “kequshqyerja”, vuri në dukje ai.
