Papa Françesku është në gjendje kritike pasi të shtunën pësoi një krizë të gjatë astmatike të frymëmarrjes që kërkonte flukse të larta oksigjeni, tha Vatikani.
88-vjeçari, i cili është shtruar në spitalin “Gemelli” që më 14 shkurt me një infeksion kompleks të mushkërive, mori gjithashtu transfuzion gjaku pasi testet treguan një gjendje të lidhur me aneminë, tha Vatikani në një përditësim të gjendjes shëndetësore të Papës.
“Ati i Shenjtë vazhdon të jetë vigjilent dhe e kaloi ditën në një kolltuk edhe pse me më shumë dhimbje se dje. Për momentin prognoza është e rezervuar”, thuhet në deklaratë.
Mjekët e spitalit “Gemelli” shpjeguan se Papa Françesku “ka kërkuar që të thuhet e vërteta” dhe buletini i shpërndarë në darkë është shqetësues: “Gjendja e Atit të Shenjtë vazhdon të jenë kritike”, pra siç shpjeguam dje, Papa nuk është jashtë rrezikut”.
Më herët, mjekët thanë se Françesku po luftonte me një pneumoni dhe një infeksion kompleks të frymëmarrjes që mjekët thonë se mbetet i prekshëm dhe do ta mbajë të shtruar në spital për të paktën një javë tjetër.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
