Ministrja e Arsimit dhe ministri i Brendshëm i Greqisë, kanë deklaruar sot gjatë një konference për shtyp se Greqia do të hapë shkollat më 14 shtator. Hapja e shkollave dhe institucioneve arsimore do të shoqërohet nga një sërë rregullash me qëllim parandalimin e përhapjes së virusit Covid-19.
Sipas deklaratës së ministres së Arsimit në Greqi, masat kufizuese do të përfshijnë përdorimin e një maske të detyrueshme në të gjitha ambientet e brendshme dhe transportin e studentëve, maska do të jetë falas në shkollat publike dhe private. Gjithashtu në shkolla nuk do të zhvillohetasnjë aktivitet që përfshin grumbullimet. Në rast të një situate përkeqësuese, ministrja theksoi se masat mund të përshkallëzohen.
