Koalicioni “Bashkë Fitojmë” çel sot zyrtarisht fushatën zgjedhore për zgjedhjet lokale të 14 majit.
Takimi mbahet në orën 12:00 në stadiumin “Air Albania” dhe siç shihet nga fotoja më poshtë, përgatitjet kanë nisur.
“Ndryshimi fillon nga duart e tua”, është edhe slogani i publikuar nga koalicioni “Bashkë Fitojmë”.
Detaje janë mësuar nga organizimi. I pari që flet është kandidati për kryetar për Bashkinë e Tiranës, Belind Këllici, dhe i fundit Sali Berisha. Ilir Meta do të flasë para Berishës.
Kujtojmë se Partia Socialiste e ka çelur fushatën 3 ditë më parë në Sheshin Skënderbej, duke mbjellur pemë, pasi ka premtuar se disa nga paratë e fushatës do të shkojnë për mbjellje pemësh.
PS gjithashtu prezantoi dhe sloganin e fushatës, e cila është: “Kurrë më mbrapa, vetëm përpara”./
