Presidenti amerikan Donald Trump ka deklaruar se po shqyrton mundësinë e vendosjes së popullsisë së Gazës, të zhvendosur për shkak të luftës me Izraelin, në një grup vendesh që janë të gatshme të pranojnë këtë nismë.
Ai shtoi se disa shtete kanë shprehur dëshirën për të kontribuar në këtë proces. Kur një gazetar e pyeti nëse Shqipëria ishte një nga këto shtete, Trump u përgjigj pozitivisht, duke thënë se Shqipëria ishte një mundësi.
Megjithatë, autoritetet shqiptare e kanë përjashtuar një mundësi të tillë. Kryeministri Edi Rama ka theksuar se lajmet për mbërritjen e 100 mijë palestinezëve në Shqipëri janë thjesht spekulime dhe shpifje, duke i quajtur ato si “zëra nga kënetat e opozitës”. Rama theksoi se Shqipëria ka njohur shtetin e Palestinës, por se nuk mund të bëjë më shumë për këtë çështje sesa çfarë po bën tashmë Evropa.
