Blerta Celibashi dhe Princ Leka u shfaqën për herë të parë së bashku në një intervistë, ku Blerta rrëfeu mes lotëve sfidat e lidhjes së tyre. “Dhe kjo gjë ose do na bënte më të fortë bashkë, ose do na ndante…”, tha ajo.
Intervista e çiftit do të transmetohet mbrëmjen e kësaj të enjte në platformën YouTube, në emisionin “Mirëmbrëma Yje”, me Arbana Osmanin, e cila hapi sezonin me çiftin më të komentuar.
Në disa fragmente të publikuara, Blerta shihet duke qarë, ndërsa Princi i shtrëngon dorën.
Princi gjithashtu pranoi se shumë nga imazhet që shihnin njerëzit në rrjetet sociale ishin fallso. “Herë pas here ne kemi qenë për mediat një kartolinë e bukur, por ka qenë krejtësisht fallso,” tha ai, duke iu referuar kohës kur ishte ende i martuar me Elia Zaharinë.
